Déitome na vontade
de prescindir de min
Sentir como esvaran
os dedos pola carne

Déitome no pracer
de entregar o cansancio
pechar os ollos e pensar
que non hai corpo

Déitome por conceder
a cada membro, absolución.;
por pedir perdón ó esforzo
e acadar indulxencia plena

Déitome e deixo facer
ó meu confesor
pecado a pecado
abrollando vai a liberción

Érgome e sinto
que camiña o meu corpo
desatado de cargas
acougado da culpa
que os quilómetros foron

Érgome e sei
que vai o cansancio
nas túas mans