¿Qué segredo agochas,
corpo?

Que me limitas ás veces,
que me superas moitas outras,
Bótote a correr
coa desgana
dun río
que vai
cumprindo a súa encomenda
e ós poucos
vólveste torrente
forza involuntaria que me leva.

Bótote a correr
coas ansias
da chama
que se prende
devorando impetuosa
e ós poucos
vas esmorecendo
e vólveste ascuas
forza queimada que me supera

Dime que misterios son
as túas respostas