Sensación de abafo,
desfáiseme o corpo
e sucumbo no tempo.
¡Maldita impotencia!
¡Condenada limitación!
que paraliza as ansias.
Son un bloque que se arrastra.
Rómpense os membros
e quedan deitados
a cada paso;
mentres semella
que recúo na distancia
aínda na vontade
de avanzar un chisco máis.
Os números vóltanse monstros
que devoran as forzas
e medran, grandes, grandes
invadindo os ollos.
Esmorece a loita
e só vén o desexo
do equilibrio co tempo;
a inconsciencia
alíase co inimigo
¡Detente!
Incapacidade
invocación enteira
¡Detente!
Un crono suma cero
un corpo restando cero